ESTA É A PÁXINA EXCLUSIVA DAQUEL ALUMNADO QUE QUERE COMENTAR, OPINAR E REFLEXIONAR SOBRE AS SÚAS LECTURAS.
UN RECUNCHO FEITO POR E PARA EL.

31/10/15

Madonna e outros contos de inverno

Comentario de María Rodríguez González



Madonna e outros contos de inverno
Manuel Rivas
Xerais
  


O libro consta de oito relatos que tratan diferentes  temas pero todos se desenvolven no Nadal. Non me chamou moito a atención, xa que prefiro que trate unha soa historia, non varias.
O conto que máis me gustou foi “O partido de Reis” que trata sobre un rapaz chamado Félix que  ten síndrome de Down e que lle encanta xogar ó fútbol pero os seus compañeiros metíanse con el e nunca o deixaban xogar.  Cando tiñan algún partido fóra da escola, Félix sempre se presentaba pero nunca era convocado. O día de Reis tiñan un partido moi importante e faltáballes un xogador; pronto apareceu Félix moi entusiasmado disposto a xogar.  Aínda que foi un partido bastante complexo, Félix marcou o gol da vitoria e todos quedaron aparvados.  Encántame a actitude que teñen estas persoas, sempre contentas e loitando por conseguir un obxectivo. Este relato ensínanos a valorar ás persoas que teñen unha discapacidade.
O conto que menos me gustou foi “A chegada de Ingrid”. Non o entendín moi ben e pareceume un pouco aburrido.

Ruído de Trens

Comentario de Adrián Mato Rodríguez


Ruído de trens (limiar de Isaac Lourido)
Eduard Velasco
Espiral Maior





Este libro de poesía fíxoseme aburrido nalgúns poemas dado que eran poemas largos e custábame entendelos, mais outros encantáronme, desfrutei léndoos e recitándoos. 
Gustoume moito que o libro comezara coa poesía de Lupe Gómez :

Se algún día queres
escapar no camión,
eu estarei esperándote
na fronteira.

E rematara coa poesía tamén de Lupe Gómez :                                              

Só espero que haxa
camións
na fronteira.

Prefiro as poesías curtas ás longas, dado que se me fan máis entretidas e sinxelas de ler.                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                           

30/10/15

Madonna e outros contos de inverno

Comentario de Francisco Rodríguez

Madonna e outros contos de inverno
Manuel Rivas
Xerais
"Madonna e outros contos de inverno" foi un libro que non me deixou ese bo sabor de boca que esperaba del. Debo admitir que Manuel Rivas era un autor do que xa tiña ganas de probar unha das súas obras e con este libro non acabou de encher as miñas expectativas. Este libro deixoume un sabor agridoce, con contos con moi diversos temas pero conectados con un fío conductor como é o Nadal e a época invernal con algúns moi moi doces como o de "Okay", o de "O carteiro de Papá Noel" ou o de "O partido de Reis" e con contos bastante agres como o de "O amor das sombras", o de "O namorado de María" ou o de "Madonna".
Dentro destes contos moi doces hai un que, baixo o meu punto de vista, está por enriba dos outros dous, este é o de "O partido de Reis" xa que creo que foi o único que me conseguiu transmitir unha mensaxe completa, á vez ser entretido e bastante emotivo. Este conto pareceme o claro exemplo de superación xa que un neno con síndrome de DOWN é capaz de cumplir un dos seus soños e pareceríame o perfecto para contarllo a persoas que están a pasar un momento complicado nas súas vidas, para transmitirlles a mensaxe de que nunca se rindan. 
Os outros dous contos doces clasifiqueinos desta maneira máis por ser entretidos que por transmitirme unha mensaxe, xa que poucos contos acadaron este cometido. En "Okay" e no conto "O carteiro de Papá Noel" acabei contento da súa lectura xa que entretivéronme moito e non me importaría ter que ler unha segunda parte destes contos xa que me quedei con ganas de máis.
Desgraciadamente, este ámbito de relatos agres é maior ca o de doces polo que fixo que este libro parecese interminable. Nembargantes, houbo un conto que o clasificaría como o menos agre que é o de "O namorado de María" porque eu entendín unha mensaxe pero non estou nada seguro que fora o que o autor quería transmitir, xa que non tiña unha interpretación moi sinxela. Pero entre "Madonna" e "O amor das sombras" fixeron desanimarme bastante, o feito de ser un seguido doutro tamén creo que axudou a provocar este sentimento e tamén de facer deste libro algo inacabable.
Tamén houbo contos como o de "A barra de pan" ou o de "A chegada de Ingrid" non é que me disgustaron pero non chegaron ao sentimento de gustar. Principalmente o primeiro si que se acercou máis a gustarme pero faltoulle algo.
En definitiva, un libro do que faría unha seleccion de contos para volvelo a ler, pois desta vez parecume demasiado pesado para ser unha lectura agradable como eu creo que debe ser.

Millo verde

Comentario de Carla González Silva


Millo verde
Xosé Fernández Ferreiro
Xerais






Millo Verde do escritor Xosé Fernández Ferreiro é un libro que relata unha historia totalmente real.
Nesta ocasión o profesor Ortiz Cancela é xulgado pola suposta violación dunha das súas alumnas e iso dende un primeiro momento chamoume moito a atención xa que as violacións son un tema que ocorren a miúdo na vida real.
Unha vez que comecei a ler a historia é como si estivese dentro dela porque estaba a imaxinar todo o acontecido; o momento en que chegan os axentes locais polo profesor, á hora na que todos comentan o ocorrido ...
Debo destacar que quizais a historia que transcorre pola metade do libro ata que fala do xuízo faise algo aborrecida pero ao mesmo tempo engancha xa que sempre tes a curiosidade ata rematar o libro.
Por outra banda tamén dicir que o diálogo que manteñen o profesor e o seu pai pareceume moi conmovedor e tamén me gustou moito todo o que ocorre polo Nadal, xa que é unha data moi sinalada e o profesor Ortiz Cancela atópase nunha situación de gran nerviosismo.
O que máis me sorprendeu foi o final da historia porque non me esperaba nada do que acontece.
Recomendo este libro a todas aquelas persoas que lle guste a intriga ata o final da historia, é un libro marabilloso.

29/10/15

Madonna e outros contos de inverno

Comentario de

Madonna e outros contos de inverno
Manuel Rivas
Xerais

“Madonna e outros contos de inverno” componse de oito historias que transcorren no inverno, concretamente no Nadal,  e narradas dunha forma poética, cunha gran cantidade de metáforas. Abondan os temas do amor, a emigración, e a tristura.
A primeira conto, “O namorado de María”, narra como o seu protagonista, Martín, marcha a América a traballar e cando volve, volve ver a Chefa, a muller da que sempre estivo namorado aínda que ela casara. Martín vai participar nunca representación teatral, dirixida por Chefa, pero por uns acontecementos, non puido rematar.
No segundo, “Okay”, un mariñeiro do barco Begonia conta o que viviu el antes do afundimento do barco. O protagonista móstrase indignado ante o patrón, que non o deixaba en paz, e por como se lle bota a culpa ao feito de prender lume a uns papeis, aos que lles dera forma de Belén, e que isto fora o comezo do afundimento.
O terceiro, “Madonna”, trata dun rapaz que vive no campo, nunha aldea. Este conta a forma de ver as vacas das persoas e como ve os números negativos nos demais, é dicir, compara os números negativos coas débedas ou a falta de animais para ter un bo negocio.
“O amor das sombras” conta a historia dun home que volve á súa aldea, e encóntrase coa muller que ama. El vai co seu can e unha guitarra ata a casa de Lorena, onde unha veciña déixaos pasar polo mal tempo. Por unhas circunstancias, vaise a luz en toda a cidade e o protagonista consegue volver ver a súa amada.
“O carteiro de Papá Noel” trata dun home que intenta escapar do capo chamado Cempés, traballando coma carteiro de Papá Noel. Pero mentres está a traballar, entréganlle unha carta do capo no que lle pide o que debe. O protagonista escapa pero non se saberá ata o final se o consegue ou non.
No “Partido de Reis” cóntase a historia dun partido de fútbol que, o equipo do narrador, conseguiu gañar grazas a un rapaz do que ninguén esperaba nada pola súa enfermidade.
“A chegada de Ingrid” trata da volta a casa dun pai, dende o punto de vista da súa filla, e Ingrid é a boneca que lle regala e a que lle dá nome ao conto.
Pareceume un libro entretido pero complicado de ler pola cantidade de metáforas e comparacións que fai o autor.