Comentario de Álvaro Villar Ferreiro
Este libro, ao
igual que o anterior que lin de Carlos Negro, gustoume moito. Unha das cousas
que me agradou tanto en Penúltimas
Tendencias como en Makinaria foi
a súa sinxeleza á hora de ler, ademais da mensaxe que transmiten.
No caso de Penúltimas Tendencias podemos observar
unha crítica da sociedade na que vivimos. Unha sociedade capitalista,
idealizada, na que as mulleres son as peores paradas; xa que dende o inicio a
sociedade véndelle un conto de princesas que nada ten que ver coa realidade. A
moza do libro é un claro exemplo dunha muller que non quere un mundo de
princesas. Ela mostra o seu carácter e os seus pensamentos sen importarlle o
que os demais opinen dela. Loita por defender os seus ideais e non se deixa
asoballar polo que a sociedade lle quere inculcar.
A min
persoalmente o poema que máis me gustou foi Fora
de Onda, xa que é un claro exemplo de que ela ten a súa propia
personalidade para facer o que lle gusta e non deixarse guiar polo que a
maioría denomina como “guai”.
1 comentario:
Carlos Negro escribiu un libro moi entretido, sobre todo para os adolescentes; contén versos que por exemplo, nós, as (no meu caso) adolescentes lle encontramos un sentido completo, sabemos de que fala, como nos identificamos. Dende o meu punto de vista, eu recomendo este libro porque a verdade que me gustou moito e recomendariallo a todas esas adolescentes que non só ven que a realidade é un conto de princesas, senon que a realidade é a realidade
Publicar un comentario