Comentario de Sonia Troitiño Loureiro
Casa atlántica, casa cabaret
María Lado
Xerais
Este libro resultoume realmente peculiar. En
primeiro lugar, debo resaltar o título tan a simple vista estraño deste libro,
"casa atlántica, casa cabaret". Foi algo que me sorprendeu nun primeiro
momento xa que non conseguía adiviñar que historia me depararía a miña lectura
pero foi máis tarde cando puiden descubrir o que se atopaba tras esas palabras
e en verdade, sorprendeume. Nunca imaxinei que o simple feito de relatar unha
mudanza se puidese facer dunha maneira tan singular, dándolle unha especial
importancia a aquelas cousas que, aínda que ás veces non nos deamos de conta,
son as que realmente o teñen. Ademais, cóntao dunha maneira moi característica,
empregando unha maneira de redactar que ao comezo fixo que a miña lectura fose
máis custosa pero que pronto vin nela unha maneira tan singular como
sorprendente de relatar unha historia. Outra das cousas que tamén me sorprendeu
foi o feito de empregar, case na maioría das veces, unicamente a folla da
dereita para plasmar o texto, algo que me agradou realmente. Nel, emprégase cada
unha das follas para conformar unha especie de capítulo no que se falará dunha
desas cousas que agora, tras un cambio de fogar, xa non serán coma antes aínda
que en verdade sexan as mesmas.
Ademais, outra das cousas que debo resaltar son
algunhas das frases que a autora, María Lado, emprega e que me resultaron moi fermosas
e curiosas. Tales como: "sei que os amigos son como almorzar sopas con cacao, están
as cousas da casa todas mirando como se enche a tarde de café, ou porque non é
un lugar a casa, é un sentimento".
Este foi un libro que me gustou moito, paréceme
diferente e único e consegue que moitas veces me sinta identificada con moitas
das cousas que di. Baixo o meu punto de vista, paréceme un libro moi relaxante e
cunha sinxela e entretida lectura. Neste caso non só ten importancia o que se
di, senón tamén como se di. Recursos como escribir varias palabras sen espazos
entre elas ,escribir algunhas en maiúscula, non empregar comas ou non manter unha
estrutura fixa son elementos que aumentan aínda máis o interese deste libro.
Para rematar, dicir que recomendo este libro a
todos e cada un dos lectores sen excepción que queiran pasar un bo momento ao
carón dun libro.
as fotografías é sempre o que máis marca deixa
o erro está no adhesivo que lle aplicamos para fixalas a nós
está ben para grandes familias
pero demasiado concentrado para unha celebración de amigos
ou un grupo literario
despois deixan este pouso marcando as nosas paredes
papá meu pai estaba aprendendo a pai
¿tírasme unha foto? e tirouma
e agora é a que queda gardando a parede do frío
está máis bonita así que se ve mellor dis
pero os ocos limpos saben que non é certo
tampouco para ti e falan
entraba a luz pola fiestra da cociña fóra
un anaquiño de xardín
a tarde
o primeiro vran
na cara o amor do filtro dunha fiestra de madeira
tes razón mellor así a min tampouco me gustaban
o peor é que o deixan todo marcado
e eu resistindo na miña tarde de sol eterna
¿e se temos unha fiestra tamén de madeira por que
non entra fermosa a luz filtrada a borrar os pousos
e facer calar as paredes da cociña?
será porque doen os contornos das cousas que se quixeron
papá ¿tírasme unha foto?
e vén e tirouma e agora a nosa victoria son dúas fotos
resistindo entre os nosos crimes escritos na parede sen sol
santiago inxusto sempre cuberto
o erro está no adhesivo que lle aplicamos para fixalas a nós
está ben para grandes familias
pero demasiado concentrado para unha celebración de amigos
ou un grupo literario
despois deixan este pouso marcando as nosas paredes
papá meu pai estaba aprendendo a pai
¿tírasme unha foto? e tirouma
e agora é a que queda gardando a parede do frío
está máis bonita así que se ve mellor dis
pero os ocos limpos saben que non é certo
tampouco para ti e falan
entraba a luz pola fiestra da cociña fóra
un anaquiño de xardín
a tarde
o primeiro vran
na cara o amor do filtro dunha fiestra de madeira
tes razón mellor así a min tampouco me gustaban
o peor é que o deixan todo marcado
e eu resistindo na miña tarde de sol eterna
¿e se temos unha fiestra tamén de madeira por que
non entra fermosa a luz filtrada a borrar os pousos
e facer calar as paredes da cociña?
será porque doen os contornos das cousas que se quixeron
papá ¿tírasme unha foto?
e vén e tirouma e agora a nosa victoria son dúas fotos
resistindo entre os nosos crimes escritos na parede sen sol
santiago inxusto sempre cuberto
Sen comentarios
Publicar un comentario